Утре, 26.09.2019 година (четврток), со почеток од 10:00 часот, градоначалникот на Општина Карпош, Стефан Богоев, заедно со претставници од Здружението за дислексија „Ајнштајн“, ќе бидат во посета на ООУ „Војдан Чернодрински“ (ул. „Дрезденска“ бр.3).

Општина Карпош се приклучува кон неделата на урбана мобилност. Преку низа на активности, граѓаните ќе се поттикнат да користат алтернативни превозни средства, да бидат совесни учесници во сообраќајот, да ја почитуваат поставената сигнализација, со цел да се овозможи безбедно движење за сите засегнати страни. Утре, од 11:00 часот, на Кејот на Вардар (кај вештачката карпа), претставници од Одделението за енергетска ефикасност ќе ја примат донацијата на опрема: соларно дрво, електрични полначи и електрични тротинети.

Основците од ООУ „ Лазо Трповски“ освоија награда на Меѓународниот училишен натпревар за воздушен и вселенски сообраќај 2019 -та, кој , традиционално се одржува во главниот град на СР Германија, Берлин. Четвртоодделенците од ова карпошово училиште, ја освоија наградата со заеднички проект „ Летаме во вселената “, кој беше координиран од тројца наставници, кои ја имаа улогата на ментори. Дијана Петроска, Розита Костова и Стефан Симовски, успешно ги обучуваа и ги подготвија учениците од 4 а одделение, каде што нивниот проект, по успешното поминување на прелиминарната фаза од натпреварот влезе во најдобрите десет проекти, а за својот конечен пласман, наградените добија фарма за одгледување пеперутки и соодветни дипломи.

Општина Карпош започна со менување на покривот на детската градинка „Мајски цвет“, објектот на ул. „Римска“, во урбаната заедница Владо Тасевски. Дел од старите азбестни табли се заменети со нова кровна површина, со цел да се подобрат условите во кои се згрижени најмладите, да се заштити нивното здравје, но и да се придонесе во заштитата на животната средина. Бидејќи се работи етапно, во претстојните денови ќе продолжи замената на целата покривна конструкција.

Во претстојниот период и во текот на 2020 година, Општина Карпош ќе се фокусира на одржување на зелените површини, поставување на системи за наводнување и облагородување на тревниците, во рамки на заштита на животната средина. Денеска, градоначалникот на Општина Карпош, Стефан Богоев, заедно со директорот на ЈП Паркови и зеленило, Ардијан Муча беа во обиколка на новите зелени површини долж бул. „8 Септември“.

Ги известуваме сите граѓаните дека поради поголем дефект не работи уличното осветлување на повеќе улици во Карпош 1 (ул. „Гиго Михајловски“, „Руѓер Бошковиќ“, „Даскал Камче“, „Иван Аговски“). Општинските служби за одржување на јавното осветлување работат на отстранување на дефектот. Ви благодариме на разбирањето.

Преку телефонската линија која ја отвори Општина Карпош, 078 – 257 – 640, за пријавување на непријатна миризба/оган на отворено, до овој момент пристигнале повеќе од 400 пријави. Како резултат на отворената телефонска линија, инспекциските служби на Општина Карпош дадоа придонес во локализирање и гасење на пожар на територија на Општина Сарај, во населено место Свиларе, на 05.09.2019 година, како и еден пожар локализиран на Скопска Црна Гора, на 07.09.2019 година.

Општина Карпош и градоначалникот Стефан Богоев се приклучија кон одбележувањето на Националниот ден на служба и сеќавање на жртвите од 11.09.2001 година, во организација на Амбасадата на САД во Скопје и Црвениот крст на Град Скопје. Во име на граѓаните на Карпош, градоначалникот Богоев донираше прехранбени продукти кои ќе бидат доделени на социјално – загрозените категории на граѓани. Заинтересираните граѓани можат да донираат крв и прехранбенни продукти, од 09:00 до 16:00 часот, во просториите на Амбасадата на САД во Скопје.

Изградбата на целосно новата градинка во Бардовци, „Виножито“ беше проект финансиран од Европската Унија, а спроведен преку Светска Банка. Со поддршка од Светска Банка се реконструираа и улиците „Римска“, „Атинска“, „Карпошово востание“ и „Варшавска“. Затоа што Општината беше корисник на средства во повеќе наврати, градоначалникот Стефан Богоев денеска присуствуваше на завршниот настан за реализација на проекти финансирани од ЕУ ИПА грантот за рурална инфраструктура, во Клубот за пратеници.

„Со почетокот на новата учебна година, ние како локална самоуправа се грижиме за безбедноста на учениците од секој аспект. Како новина, воведовме одговорни лица , вработени во училиштата од ненаставниот кадар, кои ќе се грижат за безбедноста на учениците пред почетокот на наставата, за време на големиот одмор, и по завршувањето на часовите. Во однос на безбедноста на храната, се грижиме тоа да е по сите предвидени стандарди за здрава исхрана со правилник од Министерството за образование и наука, и еве денеска со министерот за информатичко општество и јавна администрација Дамјан Манчевски, ќе ја опфатиме сајбер безбедноста како еден нов битен сегмент од ерата на дигитализацијата“ .